تتشرف جريدة بداية حلم بعمل حوار صحفي مع الشاعر/ كريم هاني جابر
-الاسم:
كريم هاني جابر
-العُمر:
٢٥ سنة
-المُحافظة:
الإسكندرية
-الموهبة:
تأليف والقاء الشعر
-متى بدأت بتلك الموهبة؟
من الصف الاول الاعدادي
-كيف كانت بدايتك؟
كنت في الاول بألف ابيات صغيرة واروح القيها لاهلي وصحابي القريبين بعد كدا مع كل مرحلة عمرية الموضوع بدأ يتطور و يكبر وموهبتي بتكبر معايا بقت فيه ناس غريبة لما تعرف اني شاعر بتخليني اقولها شعر ودايما كان بيبقي فيه انبهار كدا بيحسسني اني فعلا موهوب و فجأة بقيت بظهر في إيڤنتات ف الكلية بطلع اقدم فقرة شعر قدام ناس كتير ودي كانت من احلي اللحظات اللي مرت عليا
-مَن كان أول داعمٌ لك؟
اهلي و اصحابي القريبين
-هل واجهتك بعض الصعوبات والانتقادات؟
اكيد ، كان فيه ناس بتنتقد اسلوبي والقائي و ممكن تكون ناس مش مهتمة بالشعر اصلا بس انا حاولت اوجه الانتقادات دي بصورة ايجابيه واطور من نفسي اكتر
-هل فكرت يومًا التخلي عن تلك الموهبة والاستسلام؟
مقدرش اعمل كدا لان فعلا انا بكتب الشعر زي ما بشرب ماية يعني حاجة لا ارادية
-كيف استطعت التطوير من موهبتك؟
كنت دايما بتابع الشعراء المشهورين والغير مشهورين وبتعلم منهم و بتمرن كتير قدام المراية ع القاء كل قصيدة عشان تظهر بالشكل المتقن للناس
-من هو سبب قوتك والذي يدعمك للإستمرار؟
اهلي و اصحابي وكل الناس اللي بتسمع الشعر بتاعي وبتحس اني فعلا موهوب وبينصحوني اكمل
-ما هي طموحاتك في المستقبل؟
اني اكون معروف اكتر واقدر اظهر قدام الناس ع المسرح و موهبتي تظهر للنور اكتر
-من وجهة نظرك ماهي مواصفات الشخصية الناجحة في هذا المجال ؟
الشخص اللي عنده الاحساس اللي يخلي كلمات الشعر بتاعه تأثر في الناس و يوصلهم الاحساس ده يكون بيكتب اكتر عن تجارب حقيقية يكون اغلب الناس مرت بيها عشان تحسها
-من خلال تجاربك ما هي النصيحة التي تُريد توجيهها لغيرك؟
بنصح اي حد عنده موهبة ميستسلمش لان محدش بدأ كبير خليك مؤمن بموهبتك ومتقارنش نفسك بحد مشى الطريق قبلك ونجح لا قارن نفسك بنفسك وبس
-وفي خِتام هذا الحوار الرائع نوّد معرفة رأيك في جريدة بداية حلم ومقترحاتك لجعلها أفضل من وجهة نظرك؟
بصراحة عجبتني جدا فكرة ان فيه جريدة بتدعم المواهب و بتحاول توصل المواهب دي للنور و بتهتم بأي حد عنده محتوى مفيد و دي حاجة تشرف حقيقي
رئيس التحرير #ملك_مجدي_محمد
تعليقات
إرسال تعليق