تتشرف جريدة بداية حلم بعمل حوار صحفي شيق مع الفنان الكبير: محمد جمال مخلوف
كما تفتخر وتتشرف مؤسسة الجريدة/ملك مجدي بتقديم الفنان والشاعر والمخرج والملحن والكاتب الذي حقق شهرة عالمية والذي يحبه الجميع وهو صاحب رباعيات صاحب الجمال
»»»»»»»»»»»»»»»»»»»»»»»»»»»»
١- ماهو إسمك بالكامل ؟
محمد جمال مخلوف
٢- ماهو مؤهلك الدراسي؟
بكارليوس هندسه اتصالات
٣- ماهي محافظتك ؟
القاهره
٥- ماهو سبب اختيار لقبك بصاحب رباعيات الجمال؟
هو أنا مشهور بين اصحابي بجمال لأن أنا أسمي طبعا محمد جمال يعني ف مشهور بإسم جمال والمفروض الرباعيات بتبقي كذا رباعية مثلاً رباعيات صلاح شاهين يعني رباعيات بإسم صحاب الرباعيات وهو الإسم طلع تلقائي ف أنا اسمي جمال وأنا بسجل في حقوق الملكية الفكرية قالولي لا اختار إسم ف الإسم طلع تلقائي منى وعجب الناس جدا جدا يعني لأنه مميز فقولنا خلاص رباعيات صاحب الجمال
٦- ماهو سر نجاحك واستمرارك
نقدر نقول عن ما يخرج من القلب يصل إلى القلب والموهبة دي من عند ربنا سبب النجاح والاستمرار من يخرج من القلب يصل إلى القلب وبحسه بصدق وشغفي إني ارسم أكتب شعر والشغف بالنسبة لي هو الحياه بيخليني اكمل في إللي أنا بعمله
٧- ماهي اهم أعمالك
طبعا رباعيات صاحب الجمال ٨ أجزاء وبحب بردو كتاب احمد حلمي إللي أنا عمله كا رسم الغلاف والديزاين بتاعي كتاب شفره حلمي بتاع الفنان احمد حلمي بحبه لأن هو إللي أختار إني أنا إللي اعمله البورتريه الخارجي وطبعا لأن هو شاف الدواوين بتاعتي لأن أنا إللي عملها ك رسم وديزاين وفكرة أنه هو يخترني ف دي كانت حاجه بسطني جدا جدا وخصوصا إن هو بيرسم حلو اوي جدا جدا يعني ومهندس ديكور هو أصلا فكان ممكن هو يعمله بنفسه فكره إنو يخترني أنا كان شرف ليا أوي
٨- من وجهة نظرك ماهي مقومات الشخصية الناجحة ؟
انه هو يكون مؤمن باللي هو بيعمله ويكون عنده ثقة في نفسه يعني بالإيمان إللي هو بيقدمه وطبعاً الإيمان بالله تعالى ده قبل كل شيء طبعا ده بيدي قوة لا نهائية وتوفيق طبعا
٩- هل تري نفسك قادر على العمل تحت الضغط ؟
هو كلنا شيئنا أما أبينا وبنضطر نشتغل تحت الضغط بل حاجات كتيره تحت ضغط ف ده أمر واقع وبنضطر نعمل كده بس بحاول على قد ما اقدر انو يبقي فيه نوع من الهدوء علشان العمل يطلع في أحسن صورة يعني
١٠- ما هي الهوايات التي تفضل القيام به ؟
بالنسبة لي الكتابة والرسم كل دي بعتبرها هويه والمقام الأول والأخير سواء رسم أو كتابة أي نوع من أنواع الفن وأي مجال من مجالات الفن إللي بقوم بيها أنا بالنسبة لي هواية في الأول والاخر بعمل حاجه أنا بحبها بالنسبة لي والرياضة وأي حاجه في مجال الفن
١١- ماهو الكتاب الاقرب اليك في عمالك ؟
كلهم والله لأن كلهم أنا وكلهم احساسي ومشاعري وتجاربي كلهم أنا فكلهم قريبين ليا
١٢- كيف تقيم ما وصلت به الآن ؟
الحمد لله. راضي عنه جدا جدا جدا
١٣- هل تعاملت مع فنانين ؟ومن هم؟
تعاملت مع فنانين كتير جدا في كتابه الاغاني بس لسه مفيش حاجه نزلت رسميا تعاملت فنانين كتير زي مصطفى قمر و محمد محي ومحمد فؤاد ونجد القاسم وبنضيف عليهم طبعا الفنان احمد حلمي و زي ما قولتلك و ده نزل في الأسواق وطبعا اتعاملت مع الاستاذ الكبير طارق الشناوي
١٤- من هم اصدقائك المقربين في المجال ؟
كلهم زملائى طبعا وأنا طبعا براعي علاقتهم جميله جدا سواء في المجال أو خارج المجال اصل هو فكره الصديق بجد في الحياة إتنين تلاتة يعني يتعدوا على الصوابع زي ما بيقولوا ف اصدقائي المقربين مش في المجال أما الزملاء علاقتنا محترمة وجميلة
١٥- عارفنا عن نفسك اكتر!؟
أنا زي ما قولتلك مهندس اتصالات اشتغلت في شركات الاتصالات المعروفة في السوق وحالياً شغال ك رجل اعمال بيزنس مان عندي البيزنس بتاعي و زي ما إنتي عارفه أنا شاعر ليا ٨ دواوين وكاتب و عضو اتحاد كتاب مصر وبرسم وبلعب رياضه وبخرج وعملت على إخراج الكليبات بتاعتي وبلحن و ديزاينر وكركتور وببتكر الأفكار وببتكر التصميمات وبرسمها وأصممها جدا و بحب الرياضه جدا جدا يعني بشكل كبير
١٦- ماهي رسالتك للمعجبينك وبما تنصحهم ؟
بنصحهم أولا بما أني شاعر انصحهم متخليش المشاعر بس هي إللي تسوفهم لازم العقل يكون متحكم مش مشاعر بس لأن لو أطلقنا العنان وسبنا المشاعر بس هي إللي تتحكم ف بيأدي إلي نتائج سيئة وانصحهم بالتفاؤل بأي حال من الأحوال و زي مابيتقال إستعن بالله ولا تعجز خاصه في الظروف الحالية التفاؤل أي كان الحياة أي تفاؤلوا بالخير تجدو وانصحهم بالعلم والثقافة والايمان بالله طبعا وينظروا الكل الأمور بنظر إيجابية تماما ويبعدوا عن أي نظره سلبية لينظروا للأمور بإيجابية ده ده إللي ربنا قالهولنا و زي ما أنا قولت طبعا تفالوا بالخير تجدو وأن يبعدوا عن أي حزن أو زعل ويفهموا إن الدنيا إللي إحنا فيها دي مؤقتة وبعد كده كله هيتوفاه الله ونروح للحياة الأبدية الحياة الدائمة ف مفيش اي حاجه مستاهلة الزعل أو الحزن أو أو أو وأنهم يعملوا عمل مفيد
١٧- أعطنا شيئاً من انجازاتك ؟
أنا بحاول يعني كل عمل بعملوا سواء الاشعار أو أي عمل أو الرسومات ف بحاول يكون فيه رساله وتوصل للناس وتغير فيهم حاجه ودي حاجه بسيطه جدا ولو ده حصل بعتبره إنجاز
١٨- هل تريد في نهاية الحوار اضافه كلمه ؟
بالتوفيق إن شاء الله وأنا بشجعكوا جدا جدا جدا
١٩- وجه كلمة للجريدة ومؤسسة الجريدة وما رأيك بها ؟
كملوا واستمروا وللمؤسسة الجريدة استمروا ودايما خلو هدفكم إيفادة الجمهور و خلي ده هدفكم وده إللي يبقي ليكم ده ايامكم في الارض وتحياتي ليكم ورأي في الجريده شايف أن بدايات موفقه و بحيكم جدا جدا وشايف طاقة حماس وطاقة إيجابية جدا ف استمروا ومن نجاح لنجاح بالتوفيق
~~~~~~~~~~~~~~~~~
حقا تشرفت أنني تعملت معك حقا أنك إنسان ذو موهبة جميله وشهرة واسعة و فتخرت بك جدا وبالحديث معك
المحررة الصحفية ومؤسسة الجريدة/الكاتبة
#ملك_مجدي_محمد
تعليقات
إرسال تعليق